Nanawagan ang grupong BAYAN o Bagong Alyansang Makabayan sa kasalukuyang liderato ng Department of Transportation na pagpasyahan na ang kapalaran ng mga Dalian Trains na binili ng Pilipinas sa China.
Iyan ang inihayag sa DWIZ ni Bayan Secretary General Renato Reyes makaraang kasuhan na ng Ombudsman sina dating Transportation Secretary Joseph Emilio Abaya at 16 na iba pa na nanguna rin sa pagbili ng mga naturang bagon ng tren.
Maliban aniya sa maanomalyang kontrata para sa maintenance ng MRT 3, iginiit ni Reyes na dapat ding papanagutin ang mga opisyal na bumili ng mga sablay at dispalinghadong bagon na hindi mapakinabangan ng publiko.
