Sasalagin sa korte ng kampo ni Customs Broker Mark Ruben Taguba ang mga walang batayang kasong isinampa laban sa kanya kaugnay sa 6.4 Billion Peso shabu shipment mula China na nakalusot sa Bureau of Customs.
Ayon kay Atty. Raymund Fortun, abogado ni Taguba, maglalatag sila ng kahalintulad na ligal na hakbang upang mabasura ang mga nasabing kaso.
Magugunitang sumuko ang customs broker sa National Bureau of Investigation matapos ipag-utos ng Manila Regional Trial Court Branch 46 ang pag-aresto sa kanya dahil sa kasong importation of dangerous drugs na paglabag sa Comprehensive Dangerous Drugs Act of 2002.
Inihain ng N.B.I. ang arrest warrant sa loob ng Senate detention cell kung saan nakapiit si Taguba.
