Nakahanda ang House Committee on Justice na i-proseso ang impeachment complaint laban kay COMELEC o Commission on Elections Chairman Andy Bautista.
Ito ay ayon kay House Justice Committee Chairman Rey Umali, sakaling may maghain ng reklamo laban kay Bautista.
Ayon kay Umali, posibleng mag-imbestiga ang Mababang Kapulungan sa alegasyong tagong yaman ni Bautista alinsunod sa resolusyon ni Kabayan Representative Harry Roque.
Aniya, sakaling makitaan ng probable cause ay maaaring magrekomenda ang komite ng Kongreso o maghain ng impeachment complaint ang Department of Justice.
Gayunman, inamin ni Umali na mahaba pang proseso ang daraan at kailangan pa nilang tiyaking matibay ang mga ebidensya laban sa pinuno ng COMELEC.
By Krista de Dios | (Ulat ni Jill Resontoc)
