Muling nanindigan si Manila Mayor Francisco “Isko Moreno” Domagoso na hindi siya hihingi ng paumanhin matapos manawagan kay Vice President Leni Robredo na umatras sa presidential race at sa pagtawag niya rito na “No. 1 bully” dahil hindi aniya marunong rumespeto at nangmamaliit ng tao.
“Ang tanong ko, kayo lang ba ang may karapatan tumakbo? Kayo lang ba ang may karapatan na maging kandidato sa pagkapangulo? Kayo lang ba ang magaling? (My question is: Are you the only one who has the right to run for president? Are you the only good one?),” sabi ni Moreno sa isang ambush interview sa Bohol.
Kasabay nito, inakusahan ni Domagoso si Robredo at mga supporters nito na mga bully, kasabay ng pagtukoy ng mga insidente kung saan sinasabing pinagbantaan ng pro-Robredo businessmen ang kanilang mga empleyado na sisibakin sa trabaho kapag ibang kandidato ang sinuportahan.
“Some of them said ‘no to bully,’ but Leni is the No. 1 bully. That’s why I’m against bullies. They crossed the line, so I will not stop going after them. They burned the bridges. They do not respect you. They look down on you. That’s why people do not like them,” dagdag pa ng alkalde.
“Stop answering. Let your boss respond or maybe let her answer with the help of a teleprompter,” panawagan naman ni Domagoso kay Atty. Barry Gutierrez, tagapagsalita ni Robredo.
Hinamon din niya si Robredo na itanggi na kinausap siya ng kampo nito, maging ang iba pang presidential candidates na sina Senador Panfilo Lacson at dating National Security Adviser Norberto Gonzales na umatras sa halalan.
Maliban dito, hinamon din ni Domagoso ang campaign manager ni Robredo na si dating Senador Bam Aquino, na itanggi rin nito ang withdrawal call na isiniwalat niya at nina Lacson at Gonzales noong Easter Sunday.
