Patay sa pamamaril ng hindi pa nakikilalang mga salarin ang isang miyembro ng CAFGU o Civilian Armed Forces Geographical Units sa Iloilo.
Dead on the spot ang biktimang kinilalang si Alvior Estimo ng 82nd Infantry Battalion.
Ayon sa ulat, papauwi na si Estimo kasama ang pinsan nitong si Nore Estimo nang bigla na lamang itong harangin at pagbabarilin ng sampung (10) armadong kalalakihan.
Hindi naman nasaktan sa insidente ang pinsan ni Estimo.
Patuloy pang iniimbestigahan ng pulisya ang insidente at hindi pa malinaw kung mga miyembro ng New People’s Army (NPA) ang pumatay sa biktima.
By Ralph Obina
