Arestado sa ikinasang entrapment operation ang isang business Licensing Inspector sa Pasig City Hall.
Nabatid na inireklamo ng pangongotong ng negosyanteng si Mary Rose Ruiz, 31-anyos ang suspek matapos siyang singilin ng P8K para sa pag-apply ng business permit.
Dahil dito nakarating ang naturang reklamo sa mayor’s office maging sa mga pulis.
Ayon sa mga tauhan ng Pasig PNP, agad silang nagkasa ng operasyon at nahuli sa mismong gusali ng Business Permit Licensing Office, City Hall Bldg., sa Brgy. San Nicolas, Pasig City ang suspek na kinilalang si Rannie Galang, 33-anyos na nahaharap sa kaukulang kaso.—sa panulat ni Angelica Doctolero
