Inaasahang mahigit 370,000 mga estudyante ang makikinabang sa ”Libreng Sakay” program sa mga tren.
Sa panayam ng DWIZ, sinabi ni DOTr Undersecretary for Railways Cesar Chavez na hanggang apat na buwan lamang muna ipatutupad ang nasabing programa at pag-aaralan pa nila ang magiging impact nito.
Sinabi pa ni Chavez na bilang suporta sa face-to-face classes at tumaas ang kumpyansa ng publiko ay ipinag-utos ni Pangulong Bongbong Marcos ang Libreng Sakay para sa mga mag-aaral.
Una nang sinabi ng DOTr na libre ang mga mag-aaral sa pagsakay sa mga tren ng Philippine National Railways, Metro Rail Transit Line 3 (MRT-3), at Light Rail Transit Line 2 (LRT-2) mula sa August 22 hanggang November 4, 2022.