Welcome sa Liberal Party si dating Chief Justice Maria Lourdes Sereno, oras na magpasya itong tumakbo sa pagka-senador sa 2019 midterm elections.
Ayon kay LP President at Senador Kiko Pangilinan, bukas ang kanilang partido para sa lahat ng mga nagnanais na protektahan ang demokratikong karapatan.
Bagamat hindi pa niya personal na nakakausap si Sereno, binigyang diin nito na magiging malakas na kandidato para sa kanila ang pinatalsik na Punong Mahistrado.
Binigyang diin ni Pangilinan na kailangan ng kanilang partido ngayon ang malalakas na babae na may kagustuhang magkaroon ng matibay at malakas na oposisyon.
—-
