Kapwa tumaas ang trust at performance ratings ng Armed Forces of the Philippines at Philippine National Police nitong Hulyo.
Batay sa pinakabagong survey ng OCTA Research, umabot sa 81% ang trust rating at 82% ang performance rating ng AFP — higit na mataas kumpara sa parehong 65% na trust at performance ratings nitong nakaraang Abril.
Nakakuha naman ang militar ng 2% na distrust at 3% na dissatisfaction rate.
Samantala, nakapagtala ng 71% na trust rating at 73% na performance rating ang PNP — mas mataas din kumpara sa parehong 62% na trust at performance ratings sa nakaraang survey.
Nasa 6% naman ang distrust at 7% ang dissatisfaction rate ng pambansang pulisya.
Isinagawa ang survey sa 1,200 na indibidwal sa buong bansa noong Hulyo 12 hanggang 17, sa pamamagitan ng face-to-face interviews.
