Patay ang isang babae sa nangyaring hostage taking sa isang supermarket sa Los Angeles, California, Usa.
Ayon sa Los Angeles Police, hinarangan ng suspek na kinilalang si Gene Evin Atkins ang daanan ng Traders Joe’ Grocery kung saan nasa loob pa ang may 40 tao at binaril ang babaeng biktima.
Bago ang hostage taking, pinagbabaril din ng suspek ang kanyang lola at nakasakit ng isang pang babae na sapilitan nito isinakay sa kotse.
Nakipaghabulan pa ito sa mga pulis habang nakikipagpalitan ng putok bago ibinangga ang kotse sa grocery store.
Matapos naman ang tatlong oras, sumuko rin ang suspek na si Atkins.
—-
