Inaprubahan ng Pangulong Rodrigo Duterte ang rekomendasyon ng Department of Energy (DOE) na patuloy na ipatupad ang ‘no disconnection policy’ para sa mga lifeline customers o mayroong mababang konsumo ng kuryente.
Ang lifeline customers o 32% ng customer base ay yung mga kumukunsumo ng 100 kilowatts per hour pababa kada buwan.
Ayon kay Cabinet Secretary Karlo Nograles ginawa ng Pangulo ang pag-apruba sa patuloy na ‘no disconnection policy’ sa isinagawang cabinet meeting kagabi, Miyerkules matapos igiit na ang kuryente ay pangunahing pangangailangan ng mga Pilipino.
Sinabi ni Nograles na makakahinga na ng maluwag ang mga Pilipinong mababa o halos walang kita dahil hindi sila mapuputulan ng kuryente.