Gugulong na ngayong linggo ang third phase ng clinical trials ng COVID-19 vaccines ng Janssen.
Ipinabatid ito ni DOST Secretary Fortunato Dela Peña na nagsabi ring sa buwang ito hanggang sa Marso ay kasado na ang phase 3 ng clinical trials ng mga bakuna ng Sinovac at Clover.
Sinabi ni Dela Peña na naipadala na sa mga manufacturer ang listahan ng mga posibleng site para sa clinical trials bagamat tumanggi ang kalihim na isapubliko kung saan-saan ang mga ito dahil sa confidential disclosure agreement.
Naipaalam na aniya sa mga local government units ang posibleng partisipasyon sa clinic trials ng mga nasabing bakuna.
