Nababahala ang ina ni Police Superintendent Maria Cristina Nobleza sa seguridad nito sa loob ng Custodial Center ng Camp Crame.
Ayon kay Rosenda Brugada, ina ni Nobleza, natatakot siya sa seguridad ng kaniyang anak dahil napapaligiran ito ng mga taong nakabangga niya sa paggampan sa kaniyang tungkulin bilang alagad ng batas.
Gayunman, sinabi ni Brugada na umaasa siyang magiging patas at dadaan sa tamang proseso ang imbestigasyon kaugnay sa isyung kinakaharap ng police official.
Kasabay nito, idinipensa ni Brugada ang anak na may karapatan namang maging masaya kung totoo man aniyang may relasyon ito sa miyembro ng Abu Sayyaf na si Reenour Lou Dongon.
By Judith Larino
