Binasag na ng ina ng child star na si Xymon Ezekiel Pineda o mas kilala bilang si Onyok ang kanyang katahimikan.
Ito ay may kaugnayan sa pagkawala ng kanyang anak sa top rating primetime series ng ABS-CBN na ‘Ang Probinsyano’.
Ani Mary Ann Nulos, ina ni Onyok, napagdesisyonan nila na magpahinga muna ang bata at mag-focus muna sa pag-aaral.
Paglilinaw ni Ginang Nulos naka-home study si Onyok noong nasa ‘Ang Probinsyano’ pa ito samantalang nasa regular schooling na siya ngayon.
Kasabay nito, mariing pinabulaanan ng Ginang ang mga isyung siya umano ang naging dahilan kung bakit tinanggal si Onyok sa naturang top rating primetime series.
Matatandaang naging usap-usapan noon ang ina ni Onyok dahil sa pagkakaroon ‘di umano nito ng ‘attitude’ at demands kaya’t tinanggal ang child star sa teleseryeng pinagbibidahan ni Coco Martin.
