Pumanaw na sa edad na 53 ang British pop star singer na si George Michael.
Ayon sa publicist nito, mapayapang sumakabilang buhay ang singer sa mismong bahay nito.
Sa ngayon ay hiniling muna ng pamilya ang privacy at patuloy pang inaalam ang naging sanhi ng pagkamatay ng singer.
Matatandaang noong 2011 ay nagkasakit ng pneumonia si Michael.
Nakilala si Michael bilang isa sa mga miyembro ng Wham at kalauna’y nag-solo. Ilan sa mga pinasikat nitong kanta ay ang ‘Careless Whisper’ at ‘Outside.’
