Ibinahagi ng kapatid ng namatay na middleman na si Jun Villamor ang impormasyon, kabilang na ang mga pangalan na makatutulong sa kaso ng pagpaslang sa broadcaster na si Percy Lapid.
Sinabi ni Department of Justice (DOJ) spokesperson Mico Clavano na kasalukuyan na nila itong bineberipika.
Hindi naman niya binanggit kung ano ang nilalaman ng naturang impormasyon.
Nabatid na isinailalim na sa witness protection program o WPP ng ahensya ang kapatid ng nasabing middleman para matiyak ang kaligtasan nito.
