Tinawag na bahagi ng malaking drama ang pinalulutang na kudeta sa kamara.
Ayon ito kay Buhay Party-list Representative Lito Atienza na nagsabing walang kinalaman sa usapin si Marinduque Congressman Lord Allan Velasco.
Ipinabatid ni Atienza na nakausap niya mismo si Velasco na nagsabing hindi ito interesadong mag-take over sa speakership ngayon.
Handa aniya si Velasco na sumunod sa napagkasunduan nilang term sharing ng House Speaker Alan Peter Cayetano sa buwan ng Nobyembre.
Binigyang diin ni Atienza na disenteng tao si Velasco at marunong itong sumunod sa napagkasunduan.
