Mariing itinanggi ni Ako-Bicol Partylist Representative Rodel Batocabe ang mga alegasyon na binayaran sila kaya bumoto ng pabor sa determination of probable cause sa impeachment case ni Chief Justice Maria Lourdes Sereno.
Giit ni Batocabe, mayroon silang sariling isip para mag-desisyon at hindi nabibili ng anumang halaga ang kanilang boto.
Binigyang diin pa ni Batocabe na napatunayan nilang may sapat talaga na “probable cause” para ihain na sa Senado ang kaso sa pagpapatalsik kay Sereno.
Hindi na rin aniya puwedeng pagkatiwalaan pa ang Chief Justice dahil makailang ulit na itong nagsinungaling gaya ng ‘intellectual dishonesty’ nito.
Kung maaalala, pinagtibay kahapon ng House Justice Committee ang pagpapa-impeach kay Sereno sa botong 38-2.
—-