Natitirang pondo ng pamahalaan, gagamiting pang-ayuda sa mga nasa NCR plus ayon kay Senador Bong Go
I-maximize ang lahat ng pondo para mapalawak pa ang pagbibigay ng ayuda sa naghihirap na Pilipino sa pamamagitan ng Social Amelioration Program (SAP) sa gitna ng nagpapatuloy na banta ng pandemya.
Ito’y ayon kay Senador Bong Go matapos na malaman ang ilang ulat na marami sa pamilyang Pilipino ang nakararanas ng gutom dahil sa umiiral ng restriksyon.
Dagdag pa ni go, nararapat lamang na mabigyang tulong ang mga kababayan nating nasa mga lugar na NCR plus o National Capital Region, Cavite, Rizal, Bulacan, at Laguna.
Kasunod nito, nanawagan si Go sa iba’t-ibang ahensya ng pamahalaan na iwasan ang pamumulitika sa panahon ng pandemya.