Inihalal si presidential son at Ilocos Norte Representative Sandro Marcos bilang Senior Deputy Majority Leader ng Kamara de Representantes.
Ang paghalal kay Marcos bilang ikalawang pinakamataas na lider ng house committee on rules ay itinulak ni House Majority Leader at Zamboanga City Representative Manuel Jose Dalipe na Chairperson ng Rules Committee.
Mababatid na inihalal din ng kamara bilang Deputy Majority Leader sina Representatives Josephine Lacson-Noel ng Malabon, Marlene Primicias-Agabas ng Pangasinan, Lianda Bolilia ng Batangas, Franz Pumaren ng Quezon City at Jude Acidre mula sa Tingog Party-List.
Samantala, inihalal naman bilang Assistant Majority Leader sina Representatives Anna Victoria Veloso-Tuazon ng Leyte, Sancho Fernando Oaminal ng Misamis Occidental, Jaime Cojuangco ng Tarlac, Richard Gomez ng Leyte at Raul Angelo Bongalon mula naman sa ako Bicol Party-List.