Pumalo na sa P1.1-bilyon ang halaga ng pinsalang idinulot ng Bagyong Rolly sa sektor ng agrikultura.
Batay ito sa pinakahuling datos ng Department of Agriculture (DA) kung saan, umaabot sa 20,000 mga magsasaka ang naapektuhan.
Ayon kay Agriculture Secretary William Dar, kabilang sa mga pananim na matinding nasalanta ay palay, mais at mga high value crops.
Maliban dito, sinabi ni Dar na umabot na rin sa P2-bilyon ang halaga naman ng pinsala sa sektor ng agrikultura ng nauna pang Bagyong Quinta.
Kaugnay nito, tiniyak ni Dar na pagkakalooban ng tulong ng kagawaran ang mga apektadong mga magsasaka.
Kabilang aniya sa mga ipamamahaging tulong ay ang mahigit 130,000 bags ng palay at mahigit 17,000 bags ng buto ng mais; habang inihahanda na rin ang ayuda para sa mga may-ari ng mga apektadong livestock at poultry farms.