Nagpanggap ang ilang tauhan ng LTFRB o Land Transportation Franchising and Regulatory Board para maaktuhan ang mga pasaway na taxi driver.
Huli naman agad ang isang nangongontratang taxi driver sa Ninoy Aquino International Airport kung saan nanghihingi ito sa pasahero ng 400 Piso .
Umapela naman ang opisyal ng LTFRB na nagpanggap na pasahero na i-batay na lamang sa metro ang pamasahe.
Ngunit ayon sa taxi driver lugi siya dahil 300 Piso lamang papatak ito sa metro.
Sa kanilang isinagawang surprise inspection, naka apat na beses na pumara ang LTRFB ng taxi sa airport at lahat din ng ito ay nangontrata.
Natigil din agad ang operasyon nang may nagtimbre na sa mga taxi.
