Kinumpirma ni PNP Chief, Gen. Nicolas Torre the Third na naglalaman ng mga buto ng tao at hayop ang ilan sa mga sako na narekober mula sa Taal Lake, Batangas.
Tugon ito ni General Torre sa gitna ng mga pagdududa, lalo sa social media, sa isinasagawang retrieval operations sa lawa.
Ayon sa hepe ng pambansang pulisya, batid naman marahil ng publiko na maraming farm sa paligid ng Taal kaya’t hindi imposibleng naghalo-halo na ang buto ng tao at hayop.
Kasama anya sa kanilang proseso ang pagtukoy kung alin ang buto ng hayop at tao mula sa mga narekober na sako.
