Binaha ang ilang lugar sa bayan ng Lopez sa Quezon dulot ng Bagyong Tonyo.
Ito’y kahit hindi pa tuluyang nakababangon ang nasabing bayan sa pinsalang idinulot ng nagdaang super Bagyong Rolly.
Kabilang sa binahang lugar ay ang mga Brgy. Rizal, Del Pilar at Magsaysay.
Mula pa kahapon, magdamag nang nakaranas ng pag-ulan ang katimugang bahagi ng Quezon na nasa ilalim ng signal number 1.
Pero sa kabila nito, wala namang naitalang nagsilikas dahil sa hagupit ng Bagyong Tonyo .
Patuloy namang binabantayan ng Quezon Provincial Disaster Risk Reduction and Management Office ang sitwasyon sa lugar.
