Itinaas ng Philippine Atmospheric, Geophysical and Astronomical Services Administration (PAGASA) ang yellow rainfall warning sa bahagi ng Zamboanga del Norte at Misamis Occidental dakong alas 5:50 ng umaga ngayong linggo bunsod ng epekto ng Low Pressure Area (LPA).
Ilan sa mga lugar na isinailalim sa yellow rainfall warning ay ang Dapitan, Dipolog, Polanco, Rizal, Sibutad, Pinan, Katipunan, PMRoxas, Manukan sa Zamboanga del Norte; at Baliangao at Sapang Dalaga sa Misamis Occidental.
Ang mga nasabing lugar ay makakaranas ng malakas na pag-ulan sa susunod na dalawang oras.
Ayon pa sa PAGASA, posibleng makaranas ng pagbaha sa mga low lying areas at landslide naman sa mga bulubunduking lugar.
Samantala, inaasahang makararanas ng mahina hanggang katamtaman na may paminsan-minsang malakas na pag-ulan sa mga bahagi ng Surigao del Sur, Davao Oriental, Agusan del Sur, Davao de Oro at mga kalapit na lugar. —sa panulat ni Maze Aliño – Dayundayon
