Patuloy na nakakaapekto ang northeast monsoon o amihan sa Northern at Central Luzon ngayong linggo at magdadala ng maulap na papawirin na may mga pag-ulan sa Cagayan Valley at anim na iba pang lugar.
Ilan sa mga apektadong lugar ay ang Apayao, Kalinga, Ifugao, Mountain Province, Aurora, at hilagang bahagi ng Quezon.
Maaaring makaranas ang mga ito ng biglaang pagbaha o pagguho ng lupa bunsod ng katamtaman at malakas na pag-ulan.
Habang ang rehiyon ng Ilocos, Abra, Benguet at nalalabing bahagi ng gitnang Luzon ay makakaroon ng bahagyang maulap na papawirin na may mahinang mga pag-ulan dulot ng amihan.
Samantala, ang Eastern Visayas at Caraga ay magkakaroon ng maulap na papawirin na may kalat-kalat na pag-ulan, pagkidlat, at pagkulog dahil sa Low Pressure Area (LPA).
Ang Metro Manila at ang nalalabing bahagi ng bansa ay makararanas din ng bahagyang maulap, pag-ulan, pagkidlat at pagkulog sanhi ng LPA at localized thunderstoms. —sa panulat ni Maze Aliño – Dayundayon