Ibinunyag ng ilang human rights advocate na nakatatanggap sila ng banta sa kanilang buhay.
Ayon sa Coalition for People’s Right to Health CPRH pinatatahimik sila dahil sa pagsusulong nila ng kanilang adbokasiya.
Ngunit nanindigan si Dr. Julie Caguiat ng CPRH na hindi ito magiging hadlang para sila ay tumigil sa kanilang mga misyon lalo na ang iparating sa gobyerno kung ano ang kakulangan partikular sa sektor ng kalusugan.
Dagdag ni Caguiat, sinasabi lamang nila ang katotohanan dahil ito ang kanilang nakikitang realidad na kailangan bigyan ng pansin ng pamahalaan.
