Nagsimula nang maningil ng dagdag na excise tax ang ilang gasolinahan ng petron sa Gitnang Luzon.
Ito ay kahit pa sinabi ng Department of Energy (DOE) na posibleng maramdaman ang dagdag na presyo dulot ng excise tax sa mga produktong petrolyo sa katapusan ng buwan.
Matatagpuan ang anim na gasolinahan ng Petron na nagpatong na ng dagdag na excise tax sa Pampanga, Zambales at Bulacan.
Paliwanag ng kumpanya, naipaalam nila sa DOE ang kanilang pagpapataw ng excise tax sa kanilang maliliit na gasolinahan.
Anila, maliit lamang ang storage capacity ng naturang mga gasolinahan kaya madaling naubos ang imbak nitong krudo.
Galing anila sa refinery sa Bataan ang mga langis nito kung saan sinimulan na ang pagkolekta ng excise tax.
—-
