Isinusulong na ng Land Transportation Franchising and Regulatory Board ang pagpapalawak at pagtaas ng fuel discount para sa mga PUV kasunod ng sitwasyon sa Gitnang Silangan.
Ayon kay LTFRB Chairman Vigor Mendoza II, nakikipagpulong ang ahensya sa mga stakeholder upang matukoy ang pinakamainam na ayuda para sa mga transport sector.
Anya, nire-review na rin ng LTFRB ang mga nakabinbing petisyon sa taas-pasahe alinsunod sa direktiba ni Department of Transportation Secretary Giovanni Lopez.
Kabilang sa mga panukala ang pagpapanatili at pagpapalawak ng sampung pisong kada litro ng fuel discount bilang alternatibo sa fare hike.
Sakop ng nasabing fuel discount ang mga passenger jeepney at UV Express.
Samantala, tiniyak ni Chairman Mendoza na patuloy pang pinag-aaralan ang panukala dahil mangangailangan ito ng malaking pondo at malawak na konsultasyon sa mga stakeholder.—sa panulat ni Reabelle Medina
