Kinasuhan ng Office of the Ombudsman si Uswag Ilonggo Party-list Representative James “Jojo” Ang Jr. ng 14 counts ng paglabag sa Anti-Graft Law sa Sandiganbayan kaugnay ng umano’y flood control scam.
Ayon sa Ombudsman, sangkot ang mambabatas sa pagkakaroon ng pinansyal na interes sa ilang DPWH projects, kabilang ang isang 29.25 milyong pisong flood control project sa Iloilo na konektado sa isang korporasyong may shares siya.
Batay sa reklamo ng Anti-Graft Office na nakalap ng DWIZ Patrol, labag ito sa 1987 Constitution at nagdulot ng pinsala sa pamahalaan at sa interes ng publiko.
Matatandaang kabilang si “Ang” sa mga personalidad na iniimbestigahan ng Independent Commission for Infrastructure kaugnay ng umano’y ugnayan sa mga construction firms na nakakuha ng malalaking government infrastructure contracts mula 2016 hanggang 2024.—sa panulat ni Reabelle Medina
