Muli na namang inilarga ng mga kumpanya ng langis ang ikatlong taas presyo sa kanilang mga produktong petrolyo ngayong araw.
Singkuwenta sentimos (P0.50) ang taas presyo sa kada litro ng gasolina, P0.25 sa diesel habang wala namang magiging paggalaw sa presyo ng kerosene.
Unang nagpatupad ng price increase sa langis ang kumpanyang Flying V kaninang alas-12:01 ng madaling araw habang sabay-sabay naman ang iba pang mga kumpaniya ng langis alas-6:00 ngayong umaga.
Dahil dito, umabot na sa mahigit P3 ang itinaas sa presyo ng langis sa bansa bunsod na rin ng paggalaw ng presyo nito sa world market gayundin sa mahinang palitan ng piso kontra dolyar.
By Jaymark Dagala
