Isinailalim na rin sa state of calamity ang lalawigan ng Albay dahil sa bagyong Nina.
Naglaan na rin ng 23 million peso calamity fund para sa recovery ng lalawigan mula sa mga pinsalang dulot ng bagyo.
Ayon kay Vice Governor Harold Imperial, matinding hinagupit ang unang distrito kabilang ang Tabaco City, mga bayan ng Tiwi, Malinao, Malilipot at Bacacay gayundin sa ikatlong distrito kabilang ang Ligao City, Guinobatan at Polangui.
Pitumpung (70) porsyento anya ng mga bahay sa Polangui ang nawasak habang nasa 300,000 pamilya ang inilikas.
Bukod sa Albay, isinailalim din sa state of calamity ang mga lalawigan ng Camarines Sur at Catanduanes.
By Drew Nacino
