Kinumpirma ni Film Development Council of the Philippines (FDCP) Chairman Liza Diño-Seguerra na bukas din ang kaniyang asawa na si Ice Seguerra sa pagpapa-breast removal.
Kasunod ito ng ipinost na topless photo ni Jake Zyrus sa kaniyang Instagram account na umani ng papuri sa mga netizens.
Ayon kay Liza, pinaghahandaan pa nila ni Ice ang nasabing plano dahil may ilang bagay pa silang inaayos at kinukunsidera.
Sinabi pa ni Liza na masaya at na-inspire si Ice matapos ipakita ni Jake ang kaniyang pagiging “confident” sa kaniyang totoong pagkatao.
Dagdag pa ni Liza, mas hinangaan nila si Jake sa tatag at lakas ng loob na ipakita sa publiko ang mga pagbabago sa kaniyang katawan.
Nanawagan naman si Liza sa mga netizens na irespeto ang kasarian ng bawat isa, maging masaya, suportahan at tanggapin nalang kung ano sila. —sa panulat ni Angelica Doctolero
