Tiniyak ng Senado na mapaglalaanan ng pondo ang mga bago at hindi pa napopondohang batas sa ilalim ng 2021 national budget.
Ayon kay Senate Finance Committee Chairman Sonny Angara, tiniyak nitong hindi mawawalan ng saysay ang mga ipinasang batas na para sa kapakanan o buhay ng mamamayang Pilipino.
Kabilang na rito aniya ang Medical Scholarship at Return Service Program o ang doktor para sa Bayan Act; National Integrated Cancer Control Act; Mental Health Act at Free Internet Access in Public Places Act.
Kasama rin dito ani Angara ang dagdag na allowance para sa teaching supplies sa pampublikong guro, batas para sa national id system, judges at large act gayundin ang pagbuo ng judicial marshal service.
Kasama rin aniya dito ang Philippine Innovation Act; Philippine Space Agency and The National Commission of Senior Citizens; National Academy of Sports at Tulong Trabaho Act.
