Inirekomenda ng Inter-Agency Task Force on Emerging and Infectious Diseases (IATF) ang pagpapalawig pa sa pagpapatupad ng enhanced community quarantine (ECQ) sa Albay at Zamboanga City.
Kasunod na rin ito ng kahilingan ng lokal na pamahalaan sa mga nabanggit na lugar.
Sa laging handa briefing sinabi ni Presidential Spokesperson Harry Roque, naipadala na sa tanggapan ng pangulo ang nabanggit na rekomendasyon kahapon.
Aniya, nakasalalay na ang kahihinatnan ng extension ng ecq sa Albay at Zamboaga City sa pagpapasiya ni pangulong rodrigo duterte dahil kinakailangan pa nitong aprubahan ang rekomendasyon ng iatf.
Batay sa ipinalabas na revised list ng pamahalaan, kabilang na ang albay at zamboanga city sa mga lugar na isinailalim na sa general community quarantine (GCQ) o mas maluwag na lockdown simula kahapon, Mayo 1.
Gayunman, iginiit ni Legazpi City Albay Mayor Noel Rosal na nagpasa na ng resolusyon ang lahat ng mga alkalde sa lalawigan na humihiling na palawigin ang ecq sa buong probinsiya dahil hindi pa aniya sila handa para sa pagpapatupad ng GCQ.