Sumuko na si Maasim Sarangani Mayor Aniceto Lopez Jr., ang alkaldeng sinasabing drug lord at pinunuo ng El Patron Drug Group.
Sa panayam ng DWIZ, sinabi ni Philippine Drug Enforcement Agency (PDEA) Director General Aaron Aquino na sumuko si Lopez sa kapartido nitong si Senator Manny Pacquiao kaninang tanghali at agad namang nai-turn over sa kustodiya ng ahensiya.
Ayon kay Aquino, itinatanggi ni Lopez ang narekober na isang kilong shabu, mga armas at drug paraphernalia sa bahay nito nang salakayin ng pinagsanib na puwersa ng mga pulis at militar kaninang madaling araw.
Ipagahaharap naman si Lopez sa kasong may kaugnayan sa iligal na droga at Illegal Possession of Firearms and Explosives at ipipiit sa General Santos City.
#TINGNAN Umano’y drug lord na si Maasim Sarangani Mayor Aniceto Lopez Jr. sumuko kay Sen. Pacquiao. | via @blcb / @JonathanAndal_ pic.twitter.com/3jrgm8mAPE
— DWIZ Newscenter (@dwiz882) October 6, 2017
