Inaprubahan na ng Inter-Agency Task Force (IATF) na tanggalin ang Department of Science and Technology (DOST) sa mga nagsasagawa ng review sa mga aplikasyon para sa clinical trials.
Ayon kay Department of Health (DOH) Usec. Maria Rosario Vergeire, babalik na sila sa dating proseso kung saan ang Food and Drug Administration (FDA) ang tatanggap ng aplikasyon para sa clinical trials kasama ang COVID-19 technologies.
Kadalasang kasama ang DOST sa nagsusuri ng mga aplikasyon pero sa ngayon ay masasailalim na ito sa FDA.
Layon ng gawain na maging mabilis at mabisa ang proseso sa tanggapan. —sa panulat ni Abby Malanday
