Kumpiyansa si National Task Force against COVID-19 Chair at Defense Sec. Delfin Lorenzana na magiging isang magandang taon para sa sambayanang Pilipino ang taong 2021.
Ito ang mensahe ng kalihim kasabay ng pagsalubong ng mga Pilipino sa pagpasok ng Bagong Taon.
Ayon kay Lorenzana, maraming dapat ipagpasalamat sa nagdaang taong 2020 sa kabila ng mga pagsubok at dagok na kinaharap ng mga Pilipino.
Kasunod nito, pinasalamatan ng kalihim ang lahat ng mga sundalo mula sa Army, Air Force, Navy at Marines na walang sawang nagtanod upang bantayan ang kapakanan ng bansa.
