Nilinaw ng may-ari ng FB Gem-Vir 1 na hindi giyera kundi hustisya sa kanilang sinapit ang kanilang iginigiit.
Ito ang naging reaksyon ni Fe Dela Torre matapos na huminge ng sorry ang Pangulong Rodrigo Duterte sa nangyaring maritime incident sa Recto Bank at sinabing hindi kinakailangan ng military exercise dahil posible itong magdulot ng giyera.
Ayon kay Fe Dela Torre, dapat ay managot ang barkong bumangga sa kanila at pagbayarin ng danyos para sa mga nasira at panahon na nasayang.
Aniya, hanggang ngayon ay hindi pa naipapagawa ang kanilang bangka dahil sa kawalan ng pondo at tulong.
