Tinanggal sa listahan ng Commission on Elections (COMELEC) ang mahigit 70 party-list groups at political parties para sa 2022 National and Local Elections.
Kabilang dito ang 1-Ako Driver, Ipaglaban Mo, Ang Pederalismo, Antigo-1, Justice Redeemed, Dugong Dakilang Seaman, Maharlika People’s Party, Ang Bagong Barangay Natin at OFW Coalition Party.
Ito ang kinumpirma ni COMELEC Spokesperson James Jimenez, na kinakailangang makakuha nang kahit 2% sa total number ng mga botante ang mga party list para magkaroon ng upuan sa House of Representatives.
Habang ang mga lalagpas naman ng 2% threshold ay maaaring mabigyan ng karagdagang upuan ngunit depende ito sa dami ng bilang ng mga boboto sa naturang partylist.
Samantala, posible pa ring makakuha ng pwesto sa kamara ang mga hindi umabot sa 2% requirement.