Pinalawig ng Department of Transportation (DOTr) hanggang Mayo a-30 ang alok na libreng sakay sa Metro Rail Transit Line 3 (MRT-3).
Nabatid na nakatakda sanang magtapos sa Abril a-30 ang naturang programa na sinimulan noong March 28, 2022.
Layunin nito na makatulong sa publiko dahil sa patuloy na pagtaas ng produktong petrolyo at mga pangunahing bilihin.
Sa ngayon, umabot na sa kabuuang 7,227,434 pasahero ang naserbisyuhan na ng libreng sakay sa MRT-3 mula nang ilunsad ang nasabing programa. —sa panulat ni Angelica Doctolero
