Inanunsiyo ng Philippine Institute of Volcanology and Seismology (PHIVOLCS) na hanggang kaninang ala-una ng hapon ay sumampa na sa 2,229 ang naitalang aftershocks kasunod ng pagtama ng magnitude 7 na lindol sa Tayum, Abra noong nakaraang linggo.
Batay sa monitoring ng PHIVOLCS, ang mga naitalang aftershocks ay may lakas na mula magnitude 1.4 hanggang 5.1.
Dahil dito ay pinayuhan ng ahensya ang publiko na manatiling alerto lalo’t inaasahang ilang linggo pang mararanasan ang mga aftershocks sa mga lugar na matinding tinamaan ng pagyanig.