Nanguna ang Muntinlupa City sa may pinakamaraming gumagamit at nagtutulak ng iligal na droga na sumuko sa mga awtoridad
Batay ito sa inilabas na datos ng Southern Police District o SPD mula Hulyo 01 hanggang Hulyo 18 ng taong kasalukuyan
Pumangalawa naman sa listahan ang lungsod ng Pasay habang sinundan naman ito ng mga lungsod ng Taguig, Makati at Parañaque
Ika-6 sa listahan ang Las Piñas habang panghuli ang Pateros sa mga lugar na maraming drug surenderees
Sa kabuuan, aabot sa mahigit 4,000 bahay ang kinatok ng pulisya kung saan, nasa mahigit 5,000 ang mga sumukong gumagamit habang halos 600 naman ang umaming nagtutulak ng iligal na droga
Aabot naman sa halos 6,000 ang naaresto ng SPD mula sa mga nabanggit na lungsod
By: Jaymark Dagala
