Nagbigay ng pagpupugay ang search engine na google sa lahat ng mga nagtatrabaho sa sektor ng pampublikong transportasyon na patuloy na nagsisilbi sa gitna ng coronavirus disease 2019 (COVID-19) pandemic.
Ito ay sa pamamagitan ng kanilang google doodle kung saan makikita ang animated art ng isang kulay asul na bus.
Kalakip nito ang mga kataga ng pasasalamat para sa lahat ng public transportation workers.
Habang madidirekta naman sa search page para “thank you coronavirus helpers” ang pag-click sa nabanggit na doodle art.
Kalakip nito ang artwork para sa iba pang mga essential workers sa gitna ng pandemya tulad ng janitor, manggagawa sa grocery at food industry, pulis at mga doktor, nurse at iba pa.
