Mahigit 50% o mahigit 14 na milyong pamilyang Pilipino ang itinuturing ang kanilang sarili bilang mahirap.
Batay sa datos ng SWS, 8% ang nagsabing sila ay nasa “borderline” na estado ng kahirapan habang 42% naman ang nagsabing hindi sila mahirap.
Sa nabanggit na datos, aabot sa 14.1 milyong pamilya na itinuring ang kanilang sarili bilang mahirap, 2.2 milyong pamilya ang naitala bilang bagong mahirap, 2.3 milyong pamilya ang itinuturing na parati silang naghihirap, at 9.5 milyong pamilya naman ang itinuturing na matagal nang mahirap.
May pinakamataas na porsyento na naitala sa Visayas na may 67% habang may pinakamababa ay sa Metro Manila na may 33%.
Isinagawa ang survey noong Abril 23 hanggang 28 sa pamamagitan ng face-to-face na interview sa 1,500 na Pilipino sa buong bansa.
