Umaasa ang Games and Amusements Board (GAB) na makababalik na sa normal ang sitwasyon ng professional sports sa gitna ng patuloy na pagbaba ng COVID-19 cases sa bansa.
Ayon kay GAB Chairman Baham Mitra, tiwala ang ahensya na mapagbibigyan na ng Inter-agency Task Force (IATF) ang kanilang hiling sa live audience sa mga professional league tulad ng PBA, football, volleyball at promosyon ng boxing at combat sports at horse racing.
Nagpadala anya sila ulit ng sulat sa I.A.T.F. para i–rekonsidera ang nauna nang hiling upang payagan ang mas maluwag na pagbabalik sa ensayo ng mga atleta maging ang live audience.
Aminado si mitra na mahabang panahon na ring nagsakripisyo ang mga atleta kaya’t kailangan na rin makabawi ang kanilang kabuhayan.—sa panulat ni Drew Nacino
