Mas titibay ang pagmamahalan ng mga magkarelasyon at mag-asawa kung dadaanin ito sa direktang komunikasyon at sense of humor.
Ito ang ilan sa mga payo nina Pangulong Ferdinand Marcos Jr. at First Lady Liza Araneta-Marcos ngayong Buwan ng mga Puso.
Sa kanyang valentine vlog, sinabi ni Pangulong Marcos na mahalaga sa isang relasyon ang pagkakaroon ng komunikasyon nang magkaharap at magkasama. Paalala ng Pangulo, huwag itong idaan sa cellphone o social media lamang.
Para naman sa First Lady, nagpapatibay sa relasyon ang sense of humor. Aniya, kahit abala sila sa kanilang trabaho, may panahon pa rin sila upang tumawa.
Dagdag pa nito, huwag magpadala sa stress at magpasalamat sa anumang biyayang natatanggap.
