Ipinatigil ang operasyon ng isang fishing company sa Zamboanga City matapos ang pagkamatay ng kapitan at tatlong tripulante na tauhan ng Fishing Vessel 558 Julius nuong nakaraang Linggo.
Kinilala ang biktima na sina Captain Joseph Oro, 45 years old, Third Mate Marjon Oro, 37 years old at Crewmen Billy Lamag, 27 at Charlie Caspe 29 years old.
Ayon sa Philippine Coastguard, naka angkla ang barko sa barangay talisayan sa Zamboang City nang linisin nina Marjon at lamag ang fish storage compartment para tanggalin ang naipong tubig mula sa natunaw na yelo na may halong nabubulok na isda.
Makalipas ang ilang minuto humingi ng saklolo ang dalawa na nahihirapan na sa paghinga at nakaranas ng pagkahilo.
Bumaba naman sa storage area ang kapitang si Joseph Oro at Casper para tumulong pero maging sila ay na-suffocate din.
Wala nang malay sila nang matagpuan ng ibang tripulante ng barko.