Nagpasalamat naman si Juan Ponce Enrile (JPE) kay Pangulong ferdinand Marcos Jr. sa paghirang nito sa kanya bilang Chief Presidential Legal Counsel.
Pinasalamatan din ni Enrile si First Lady Liza Araneta Marcos dahil sa maganda at komportableng opisina na ibinigay sa kanya malapit sa tanggapan ng presidente.
Sinabi naman ni JPE na ito na ang kanyang magiging huling serbisyo sa publiko at sa bansa.
Aniya, wala na siyang ibang naging amo maliban sa presidente at magiging gabay niya sa kanyang bagong gampanin ang sinumpang pangako.
Mababatid na si JPE ang pinaka-matandang opisyal ng Malacañang na inappoint ni Pangulong Marcos Jr. sa edad na 98.
