Malapit nang ibunyag ni Pangulong Rodrigo Duterte ang pagkakakilanlan ng dalawang colonel na sinasabing sangkot sa transaksyon ng iligal na droga.
Ito ang inihayag ni Senador Christopher ‘Bong’ Go kasabay nang muling paglilinaw sa pagkalito ng pangulo sa ranggo.
Ayon kay Go, posibleng matanggal agad sa serbisyo ang dalawang hindi pa pinapangalanang colonel dahil sa bigat ng kanilang naging pagkakasala.
Gayunman, makabubuti pa rin aniya kung hihintayin na lamang ang magiging resulta ng imbestigasyon ng Department of Interior and Local Government at Department of Justice sa usapin para matiyak na mapapanagot ang mga ito sa batas.
